Sitið í fongsli í Svøríki

Tað var í gjárkvøldið, at tveir svenskir fótbóltfjepparar vóru dripnir av skotum í miðbýnum í Brússel, - nærindis býarpartinum Molenbeck. 

Hetta hendi stutt undan EM-undankappingardystinum millum Belgia og Svøríki í Brússel. 

Fleiri svenskir miðlar skriva, at maðurin, sum er undir illgruna fyri at hava framt álopið, hevur áður sitið í fongsli í Svøríki..

Maðurin hevur verið í Svøríki fyri okkurt um 10 árum síðani, har hann hevur brúkt falskt samleikaprógv. Hann hevði einki uppihaldsloyvi í Svøríki. 

Svenska trygdarpolitiið vil ikki siga, um maðurin framdi nakað lógarbrot, tá ið hann var í Svøríki ella um hann var kenningur hjá politiinum.

Frederik Hallström, sum er leiðari hjá svenska trygdarpolitinum, sigur, at trygdarpolitiið er av tí fatan, at maðurin helst hevur ferðast kring Evropa við falskum samleikaprógvi.

Maðurin, sum hildið verður framdi álopið í Brússel í gjárkvøldið er deyður.

Fyrrapartin í dag skeyt og drap politiið mannin í Schaerbeek-grannalagnum í landnyrðingspartinum av belgiska høvuðsstaðnum.