85 prosent minni av F-gassi innflytast komandi árini

F-gass eru gass, sum hava fluor í sær. Hesi eru sera skaðilig fyri umhvørvið.

F-gass eru harumframt stórur partur av føroyska vakstrarhúsgass-útlátinum.

Kunngerðin fevnir millum annað um HFC-gass í køliskipanum og frystiskipanum á landi og umborð á skipum, og fyri SF6, sum verður nýtt sum koblingsgass í háspenningsskipanum.

Kunngerðin er galdandi fyri fólk, fyritøkur og virki umframt skip og havstøðir, sum eru skrásett ella staðsett í Føroyum.

Nýggja kunngerðin merkir altso, at:

- Frá 1. januar 2024 er ikki loyvt at seta nýggjar køli- og frystiskipanir upp, sum innihalda HFC-gass við GWP-virði størri enn 2.500.

- Frá 2027 er ikki loyvt at fylla nýframleitt HFC-gass við sama virði á køli- og frystiskipanir, har fyllingin er 40 tons av CO2 eindum ella meira. 

- Frá januar 2030 er ikki loyvt at fylla nýframleitt HFC-gass við sama virði á frystiskipanir yvirhøvur.

- Frá 2027 er ikki loyvt at innflyta nýggja útgerð við SF6-gassi at brúka í háspenningsskipanum. 

Og frá 1. januar 2036 er ikki loyvt at brúka f-gass yvirhøvur.