Fasti Gerðarrættur: Óheimilað stríðsstig

Fasti Gerðarrættur hevur nú staðfest í úrskurði, at tað var eitt óheimilað stríðsstig, tá ið Felagið føroyskir sjúkrarøktarfrøðingar á middegi í dag bóðu allir sínar limir niðurleggja arbeiðið.

Hetta gjørdi Felagið føroyskir sjúkrarøktarfrøðingar sum eitt aftursvar til, at Løgtingið í dag kom saman fyri at steðga verkfallinum hjá sjúkrarøktarfrøðingunum.

Sostatt mugu allir sjúkrarøktarfrøðingar, sum felagið sendi heim í dag, møta aftur til arbeiðis.