Føroya Handverkarafelag fer eisini í samhugaverkfall

Føroya Handverkarafelag fer eins og fleiri onnur fakfeløg í samhugaverkfall í morgin í sambandi við avgerðina hjá Løgtinginum í kvøld.

Suni Simonsen vísir á, at størsti parturin av limunum hjá Føroya Handverkarafelag eru í starvi hjá privata sektorinum. Teir eru ikki settir eftir sáttmála við Fíggjarmálaráðið og kunnu tí ikki fara í verkfall.

Men onkrir limir eru kortini undir Fíggjarmálaráðnum, til dømis kavaruddingin hjá Landsverki og húsavørðar ymsastaðni kring landið, sum fara í 24 tíma samhugaverkfall í morgin.