Heiðursmerkið glapp

Tað eydnaðist akkurát ikki hjá føroyska badmintonlandsliðnum at vinna heiðursmerki í síni fyrstu smálandakapping.

Føroyar endaðu á 4. plássið eftir 3-2 tap fyri Malta í bronusdystinum.

 - Stigið á kappingini er høgt, og okkara landslið hevur fingið spælt nakrar sera góðar liðdystir hetta vikuskiftið, sigur Katrin Jacobsen, forkvinna í Badmintonsambandinum, eftir kappingina, sum helst verðuyr afturvendandi.


Máttu lúta fyri Íslandi í hálvfinaluni

Føroyska liðið spældi seg sannførandi víðari í bólkaspælinum.

Við 5-0 sigrum á Liktinstein og Gibraltar og einum teprum 3-2 sigri á Malta, spældu føroyingarnir seg í hálvfinaluna, har Ísland varð ov sterkt.

Asbjørn Heide Olsen, Magnus Dal-Christiansen, Christian Berg Petersen, Miriam í Grótinum, Bjarnhild í Buð Justinussen og Sanna og Mia Thorkildshøj umboðaðu Føroyar í kappingini.