Byggja smoltstøð í Skálavík

Fríggjadagin gjørdi Bakkafrost avtalu við veitara um at byggja smoltstøð í Skálavík. 

Smoltstøðin verður 28.600 fermetrar, sum er nakað tað sama sum smoltstøðin á Strond er. 

Smoltstøðin skal lata sjey milliónir smolt, sum eru 500 gramm, um árið.

219 milliónir eftir skatt

Rakstrarúrslitið hjá Bakkafrost samtakinum í triðja ársfjórðingi var 269 milliónir krónur.

Tað var 325 milliónir í triðja ársfjórðingi í fjør.  Úrslitið eftir skatt var 219 milliónir krónur. Tað var 249 milliónir í fjør.

Tøkugjaldið ávirkar

Bakkafrost sigur, at tøkugjaldið ger, at avtalur um lidnar vørur fyri 2024 bara eru gjørdar fyri níggju prosent av tøkuni. Hetta talið var 22 prosent um somu tíð í fjør.

Bakkafrost ætlar at taka 91.000 ton av laksi í kruvdari vekt næsta ár, 66.000 tons í Føroyum og 25.000 tons í Skotlandi.