Harðir bardagar við sjúkrahús í Gaza

Bardagarnir í Gaza halda fram, og hetta rakar millum annað sjúkrahúsini í økinum meint. Millum annað hava bardagar verið millum Hamas og ísraelska herin við Al-Shifa sjúkrahúsið, sum millum annað hevur mist streymin. Maturin er uppi, og har er heldur einki vatn.

Nógvar myndir eru frá sjúkrahúsinum, millum annað av deyðum smábørnum, sum vóru fødd ov tíðliga og lógu í kuvøsu.

Ísraelski herurin sigur, at Hamas hevur tunlar undir sjúkrahúsinum, sum tískil er eitt bumbumál. Ísrael vísir aftur, at tað hevur skotið móti sjálvum sjúkrahúsinum, men harðir bardagar hava verið í umráðnum. Nú sigur ísraelski herurin, at hann er til reiðar at leggja vápnini millum klokkan 10 og 14 og lata ein geira upp, so fólk trygt kunnu flytast burtur av sjúkrahúsinum.

Ísraelar hava gjørt hetta áður, tá fólk vóru flutt av Nasser og Rantisi sjúkrahúsunum, skrivar BBC.