U21-landsliðið er sett

Seinnapartin spælir føroyska U21-landsliðið í fótbólti EM-undankappingardyst á útivølli ímóti Grikkalandi.

 - Hetta verður ársins truplasta uppgáva á útivølli, men vit hava vónir um, at vit kunnu avrika væl og fáa okkurt við okkum heim. Skulu vit megna at vinna stig, so skulu vit spæla upp til okkara allar besta, og vit skulu hava teir at gera tað, sum teir ikki eru so góðir til, sigur Eyðun Klakstein við fsf.fo.

Liðið, sum skal á vøllin ímóti grikkum klokkan 14:00, er sett og sær soleiðis út.

 - Ari í Haraldsstovu Petersen; Signar á Brúnni, Áki Johannesen, Børge Petersen, Elias Rusborg, Ási Dam; Áki Samuelsen, Noah Hans Mneney, Gullbrandur Øregaard, Olaf Bárðarson; Jørgen Nielsen.

Undan dystinum eru Føroyar á 3. plássi í bólkinum við sjey stigum, meðan grikkar eru á 4. plássi við fýra stigum.