Sluppu inn í Gasa við brennievni

Tríggir tangabilar við tilsamans 50.000 litum av diesel sluppu í gjár at koyra inn í Gasageiran. 

Tað sigur eyptiski hjálparfelagsskapurin, Reyði hálvmáni. 

-  Tilsamans eru nú átta tangabilar við tilsamans 210.000 litrum av brennievni slopnir inn í krígsherjaða økið, síðani samanbrestirnir byrjaðu, sigur Raed Abdel Nasser, aðalskrivari í egyptisku deildini hjá hjálparfelagsskapinum.

Tørvur á 200.000 litrum hvønn dag

ST-kreppusamskiparin Martin Griffiths sigur, at tørvur er á 200.000 litrum av brenni evni í Gasageiranum hvønn dag.

Ísrael læt fríggjadagin marknaliðið upp fyri flutningi av brennievni til humaniter endamál. 

Tað snýr seg um tvey til fýra prosent av nøgdini, sum vanliga var flutt inn í Gasa undan krígnum.

Í gjár vóru 300 útlendskir ríkisborgarar og palestinar við dupultum ríkisborgaraskapi fluttir úr Gasageiranum um Rafah-marknaliðið til Egyptalands, skrivar NTB.