Emerald hevur loyst - Gadus liggur enn

Trolarin Emerald fór úr Bátsfjørðinum í Noregi til fiskiskap fyrrapartin í gjár.

Hann kom hagar hósdagin í síðstu viku.

Hóast Emerald nú hevur verið burturi í tveir mánaðir, hevur hann bara fiskað í ein mánað, tí ymisk brek hava gjørt, at hann er farin inn nakrar ferðir.

Emerald hevur 300 tons av rækjum.

Gadus liggur framvegis í Bátsfjørðinum.

Hann kom hagar fyri góðum tveimum vikum síðani, tí ein brennievnispumpa brotnaði. 

Gadus hevði tá fiskað í 12 dagar í Barentshavinum.