Russland hóttir Finnland

Russland ávaraði í dag grannalandið Finnland, sum hevur stongt markið millum Finnland og Russland. 

- Finnland má skilja, at Russland kann fata slík stig sum hóttan, sigur talsmaðurin hjá Kreml, sambært Reuters.

Finnland stongdi í gjár øll marknalið við russlandsmarkið, og russiska ávaringin er helst aftursvar til tað.

Finska markið, Markið millum Finnland og Russland - Mynd: Euronews

Fleiri hundrað fólk eru seinastu vikurnar komin um marknaliðini millum Russland og Finnland at biðja um friðskjól. 

Finnland heldur, at Russland sendir umsøkjarar um friðskjól til Finnlands við vilja, og kallar hetta fyri hybrid-álop.

Kreml svarar eisini Póllandi aftur, nú Pólland hevur sagt, at best er at senda herdeildir til Finnlands at hjálpa teimum á markinum.