Nógv vilja stýra fótbóltinum

Nógv vilja vera aðalskrivari hjá Fótbóltssambandi Føroya.

FSF hevur fingið 18 umsóknir til starvið sum stjóri í aðalskrivstovuni hjá Føroya størstu ítróttagrein, skrivar fsf.fo.

Nú verður ein setanarbóltur settur, ið skal meta um innkomnu umsóknirnar, og í næstum verða best skikkaðu umsøkjararnir kallaðir inn til samrøðu. Setanarbólkurin og forsetin, Christian Andreasen, gera síðan endaligu innstillingina til starvsnevndina.

Virgar Hvidbro, sum síðan 2009 hevði verið aðalskrivari í Fótbóltssambandi Føroya, fór úr starvinum í november.

Aðalskrivarin í FSF sameinir starvsnevnd og fyrisiting, og tryggjar, at avgerðir tiknar av nevndini verða framdar í verki, skrivar Fótbóltssambandið.