Roykur á brennistøðini á Hjalla

Um níggjutíðina í gjárkvøldið fór sløkkiliðið í Havn til brennistøðina á Hjalla, tí haðani kom nógvur roykur, var fráboðanin.

Men har var ikki eldur í, tí talan var um sokallaðan kontrolleraðan royk.

Ovnurin verður umvældur í løtuni, og tað var í sambandi við ta umvælingina, at roykurin kom.

Men sløkkiliðið hevði ikki fingið boð um hetta, sigur politiið, og fór tí á staðið.

Seinni í gjárkvøldið vóru aftur boð eftir sløkkiliðinum í Havn, hesa ferð til Føroya Tele.

Men talan var ikki um eld, men um tøkniligt brek, sum gjørdi, at boðað var frá eldi.