Tryggari at flúgva

- Árið í fjør var tað tryggasta í altjóða vinnuligari flogferðslu, síðani farið varð undir at skráseta flogvanlukkur.

Tað sigur Hans Christian Stigaard, ið áður hevur verið ferðslustjóri í floghavnini í Keypmannahavn, men sum nú starvast sum ráðgevi í flogferðslutrygd.

Í fjør vóru skrásettar 50 flogvanlukkur, harav tvær teirra høvdu vanlukkuligar avleiðingar og kravdu tilsamans 86 mannalív.

Hans Christian Stigaard sigur við Politiken, at tað, at flogvanlukkurnar eru færri í tali, stendst av, at størri dentur verður lagdur á trygdina enn fyrr.