Fyrsta svartkjaftalastin í ár var føroysk

Finnur Fríði kom við fyrstu svartkjaftalastini til Fá­skrúðsfjarðar á Eysturlandinum í ár.

Hann hevði 2.300 tons, skrivar Morgunblaðið.

Svartkjafturin er nú í føroyskum sjógvi sunnan fyri Munkagrunnin og í gráa økinum millum føroyskan og bretskan sjógv. 

Har eru føroysku uppsjóvarskipini og tvey grønlendsk skip.

15 íslendsk skip sleppa at vera har í senn.

Russisku skipini sleppa ikki at fiska í gráa økinum í ár.