Ein býtúrur saman við føroyingum gav eysturríkarum hugskot til felagssang

Danir hava undrað seg yvir, at eysturríska manslandsliðið í hondbólti feiraði javnleikin móti Spania við EM-endaspælið við sanginum "I Surrender" hjá danska bólkinum Saybia. 

 

 

 

 

View this post on Instagram

 

 

 

 

 

 

 

 

 

 

 

A post shared by Dyn Handball (@dynhandball)

Hvussu ólukkan rungar ein danskur sangur frá 2004 inni í umklæðingarrúminum hjá eysturríkarum í 2024?

Jú, søgan er heilt einfalt tann, at hugskotið at syngja "I Surrender" sum felagssang fingu eysturríkar frá einum býtúri saman við føroysku hondbóltsmonnunum. 

EM í hondbólti 2024, EM24, Eysturríki

Stolið hugskotið frá føroyingum

Eysturríski landsliðsleikarin Tobias Wagner sigur, sambært danska TV2, at tað er rættiliga tilvildarligt, at teir syngja júst "I Surrendar" hjá Saybia.

Hugskotið spretti seinasta vár eftir avgerandi landsdystin millum Eysturríki og Føroyar í Bregenz í Eysturríki, greiðir Tobias Wagner frá. 

"Hóast vit vunnu dystin, so vunnu Føroyar sær eisini luttøku fyri fyrstu ferð í einum EM-endaspælinum hendan saman dagin. Vit fór á barr eftir dystin at drekka ein øl ella tvær saman við føroysku leikarunum. Brádliga fóru føroyingarnir upp til plátuvendaran og søgdu, at teir vildu hoyra júst hendan sangin. Og brádliga stóðu 35 mans og sungu "I Surrender", so hugskotið hava vit stolið frá føroyingunum."