Eygleiðarar vænta ikki at stríðið harðnar

Tað hevur leingi verið nakað av spenningi millum Baloch-fólkini, sum búgva hvørjumegin við markið millum í Pakistan og Iran, og stjórnirnar í londunum báðum.

Londini hava eisini eitt nú ákært hvørt annað fyri at hýsa seperastum og militantum bólkum.

Men hóast spenningin, og smærri samanbrestum millum militantar bólkar á markinum, hava londini ikki áður skotið rekettir eftir hvørjum øðrum. Iran byrjaði týskvøldið tá tað skeyt rakettir og dronir, eftir tí, sum Iran segði vera ein militantur sunnimuslimskur bólkur. 

Síðani svaraði Pakistan aftur í nátt, eisini við rakettum og dronum, skotnar yvirum markið eftir tí Pakistan segði vera bøli hjá yvirgangsfólkum.

Iran og Pakistan siga bæði, at álopini vóru gjørd, fyri at forða fyri yvirgangsatsóknum. Hvussu er og ikki, so siga báðir partar eisini, at børn vóru millum tey, sum lógu eftir á.

Sambært eygleiðarum, kann vera, at samanbrestirnir nú steðga aftur. Tað er javnleikur, so at siga, nú Pakistan hevur svarað aftur, og fyri Pakistan hevur verið týdningarmikið at vísa hvar markið gongur fyri slíkum álopum, sigur Lyce Ducet, altjóða eygleiðari hjá BBC.

Ikki bara yvirfyri Iran, men fyri India og Afghanistan eisini.

Men fyri Pakistan kom álopið sum ein veruligur kvøkkur, skrivar BBC. Bert tímar áðrenn álopið, hittið iranski uttanríkisráðharrin virkandi forsætisráðharran í Pakistan. Onki var sagt um álopið, og tí følir Pakistanska stjórnin seg svikna av Iran, tí hóast ávísan spenning, hava viðurskiftini yvirhøvur verið góð millum londini.