Oyðsla nógv við tilfeinginum - matur verður ikki gagnnýttur

- Tað verður oyðslað ov nógv við okkara tilfeingi á jørðini, og í nógvum førum duga vit ikki nóg væl at gagnnýta matin, sum verður framleiddur. 

Tað sigur Gunnhild Dahl Niclasen, humanvistfrøðingur og samfelagsfrøðingur. Hon er eisini ein av rithøvundunum í bókini "Matur, okkara virðismikla tilfeingi". 

Gunnhild Dahl Niclasen var í Breddanum fyrrapartin, har evnið var matoyðsl og burðardygd.

Hon vísir á, at meginparturin av tí, sum vit eta, verður framleitt uttanlands, og nógv útlát er av matframleiðslu.

Hoyr innslag í útvarpstíðindunum: 

Bo Møller Hansen, Niels Mortensen, Hallur Djurhuus, Breddin, 16:9

Bo Møller Hansen, Hallur Djurhuus og Niels Mortensen. (Mynd: Bjarni Árting Rubeksen)

Í Breddanum var eisini orðaskifti millum stjóran í SMS-samtakinum, Niels Mortensen, Bo Møller Hansen, marknaðarleiðara í FK, og Hall Djurhuus, stjóra í tveimum Á-handlum og tveimum Samkeyps-handlum, hvat matvøruhandlar gera fyri at minka um matoyðslið.

Allur Breddin kann hoyrast her.