Tingið viðger ov høgar prísir og ov stóran vinning í dag

Kappingarlógin er á dagsskránni hjá løgtinginum í dag.

Endamálið hjá landsstýrinum við uppskotinum um broytingar er at útvega Kappingareftirlitinum fleiri amboð at fremja virkna kapping. 

Kappingareftirlitið fær loyvi til at gera marknaðargreiningar, millum annað, tá ábendingar eru um, at kappingin ikki virkar, so prísir eru høgir og vinningur stórur.

Kappingareftirlitið kann at geva boð um, at farast kann ikki upp um tilskilaðar prísir ella vinningar. 

Men fyrst eru munnligir fyrispurningar á skránni hjá tinginum í dag.

Tingfundurin í dag er klokkan 11.00.

Tingfundur verður so ikki aftur fyrr enn 13. februar.