- Tíðindi, mentan og ítróttur
Val í Portugal: Borgarligu flokkarnir vunnu tepran sigur
Val í Portugal: Borgarligu flokkarnir vunnu tepran sigur
Val var í ótíð, tí sosialistiski forsætisráharrin fór frá í fjør eftir illgruna um korruptión
Luis Montenegro, formaður í Demokratisku samgonguni, fegnast um valsigurin.
Mynd: AFP/Ritzau Scanpix
11.03.2024 - 08:43
Stórur spenningur var um úrslitið av valinum í Portugal í gjár.
Tá 99 prosent av atkvøðunum vóru tald, ásannaði leiðarin í sosialistiska flokkinum, PS, Pedro Nuno Santos, ósigurin, skrivar Reuters tíðindastovan.
Sostatt er vinnarin borgarligi flokkurin, Democratic Alliance, sum stendur til at fáa umleið 30 prosent av atkvøðunum, meðan PS stendur til at fáa knappliga 29 prosent.
Høgraflokkurin, Chega, stendur til at gerast triðstørsti flokkur við 10 prosentum av atkvøðunum.
Valið var í ótíð, tí fyrrverandi leiðarin í PS, António Costa, fjør fór frá, orsakað av illgruna um korruptión. Hann var forsætisráðharri í átta ár.
Pedro Nuno Santos, sum hevur tikið við leiðsluni í Sosialistaflokkinum í Portugal, ásannaði valósigurin, tá 99 prosent av atkvøðunum vóru tald. (Mynd: AFP/Ritzau Scanpix)
Er kopiera
Nýggjastu sendingar í ÚV
Nýggjastu sendingar í SV
