Renning: Tvær kappingar og fýra vinnarar

Rógvi Kárason og Ann-Mari av Skarði vunnu føroyameistaraheitið í 10 kilometra renning, sum var í Runavíkar kommunu leygardagin.

Rógvi Kárason vann frammanfyri Oliver Granhøj við tíðini 34:43.7, meðan Ann-Mari av Skarði vann ein harðan dyst ímóti Lydiu í Lambanum við tíðini 45:29.1.

Lydia í Lambanum og Oliver Granhøj fóru kortini ikki heim við ongum. Tey høvdu longu áðrenn kappingina leygardagin tryggjað sær samlaða sigurin í vetrarkappingini.