Nótaskip mótmælir ætlan hjá landsstýrismanninum um felagskvotu

Landsstýrismaðurin í fiskivinnumálum Dennis Holm hevur ikki heimild at taka burtur av svartkjaftakvotuni hjá verandi uppsjóvar- og ídnaðarskipum, til at skipa eina felagskvotu.

Tað sigur áhugafelagsskapurin hjá nótaskipunum í hoyringssvari til ætlanirnar hjá landsstýrismanninum.

Ætlanin er við kunngerð at skipa eina felagskvotu upp á 35.000 tons í ár, men hetta brýtur við søguliga kvotabýtið, og heimild er ikki fyri tí, sigur Jógvan Jespersen, stjóri í felagnum Nótaskip.

Hoyr innslag í útvarpstíðindunum: 

Jógvan Jespersen

Jógvan Jespersen er stjóri í felagnum Nótaskip.

Føroyska svartkjaftakvotan í ár er 543.000 tons.

Broytingin, sum landsstýrismaðurin ætlar at gera, ber í sær, at øll, sum hava rætt at fiska svartkjaft, kunnu fiska av felagskvotuni á 35.000 tons, treyað av at tey hava brúkt aðrar tillutaðar kvotur av svartkjafti í 2024. 

Hvørt skipið kann tó í mesta lagi fiska 2.500 tons av felagskvotuni.

Sí hoyringarskrivið her.