Tjóðleikhúsið: Støðan hjá býráðnum tann sama, hóast havnarnevnd mælir frá

Eitt samt býráð hevur samtykt, at tjóðleikahúsið skal vera á Eystaru bryggju. Og tað er ein avgerð, sum ikki bara kann broytast uttan víðari.

Tað staðfestir Heðin Mortensen, borgarstjóri í Tórshavnar kommunu.

in.fo skrivaði fyrr í dag, at Havnarnevndin hjá Tórshavnar kommunu í morgun hevur samtykt ikki at gera leigusáttmála um tjóðleikahús á havnarøkinum. 

Ein avgerð, sum bleiv tikin eftir tilmæli frá havnarmeistaranum.

Við in.fo sigur Hanus Mikkelsen, havnarmeistari, at hann ikki metir, at pláss er fyri tjóðleikhúsinum á havnarøkinum, tí tað fer at gera arbeiðsumstøðurnar hjá Tórshavnar havn verri. 

Býráðsmeirilutin í býráðnum hevur eisini meirilutan í havnanevndini. Men tað merkir ikki, at Tórshavnar býráð hevur broytt støðu, sigur borgarstjórin

Hoyr innslag í útvarpstíðindunum