- Tíðindi, mentan og ítróttur
Havnarnevndin: Tjóðleikhúsið skal ikki flyta - tað skal bara fylla minni
Havnarnevndin: Tjóðleikhúsið skal ikki flyta - tað skal bara fylla minni
Økið, sum skal setast av til Tjóðleikhúsið, er nú tvífalt so stórt, sum ætlanin var upprunaliga, og tað kann havnarnevndin í Tórshavnar kommunu ikki góðtaka, sigur formaðurin
Tjóðleikhúsið, soleiðis sum MAP arkitektar ímynda sær, at tað skal síggja út
Mynd: MAP arkitektar
17.04.2024 - 16:43
"Tað er eingin, ið hevur sagt, at mann ynskir at tjóðleikhúsið verður flutt til aðra staðseting í Havn ella út úr býnum."
Orðini eigur Kári Johansen, formaður í havnarnevndini í Tórshavnar kommunu, nú tað er komið fram, at havnarnevndin ikki vil gera leigusáttmála um tjóðleikahús á havnarøkinum.
"Tá vit í Tórshavnar kommuna fyri tveimum árum síðani samtyktu at leggja tjóðleikhúsið á Eystaru bryggju, var økið, ið skuldi setast av til tjóðleikhúsið, 4000 fermetrar. Nú er økið vorðið 8000 fermetrar. Økið er sostatt vorðið tvífalt so stórt, sum upprunaliga ætlað, og tað er tað, ið havnarnevndin ikki kann góðtaka," leggur Kári Johansen afturat.
Kári Johansen, formaður í havnarnevndini í Tórshavnar kommunu, saman við Heðini Mortensen, borgarstjóra (Mynd: Bjarni Á. Rubeksen)
Sambært formanninum í Havnarnevndini, so fer tað at avmarka logistikkin hjá Tórshavnar havn, og kann Havnarnevndin ikki góðtaka.
"Tí vil eg mæla til, at mann setir seg niðuraftur og finnur út av einari loysn."
Havnarnevndin_um_tjodleikhusid_-_Kari_Johansen_17042024
Er kopiera
Nýggjastu sendingar í ÚV
Nýggjastu sendingar í SV
