Lønin hjá tingfólkum hækkar ikki, men kostnaðarískoytið verður varðveitt

Tingfólk fáa ikki lønarhækking.

Uppskotið hjá meirilutanum í formansskapinum bleiv samtykt á tingfundinum í gjár.

Fýra av seks limum í grein 25 nevndini mæltu annars til at hækka lønina úr 34. upp í 36.lønarflokk í sáttmálanum hjá Tænastumannafelagnum.

Men tey uppskotini fullu, annað tó bara við 14 fyri og 15 móti.

Ein samgongulimur, Sólvit E. Nolsø, atkvøddi fyri. 

Kostnaðarískoytið, sum er 2.000 kr. skattafríar um mánaðin, verður varðveitt.

Og nú fáa tingfólk somu eftirløn sum onnur, tað eru 15 prosent.

Uppskotið skal hava eina viðgerð í tinginum aftrat.

Lógin um løn og eftirløn hjá tingfólki verður galdandi fyri tey, sum verða vald á ting á næsta løgtingsvali.