Donsk fyritøka kannar trivnaðin í føroyskum sjúkrahúsum

Danska fyritøkan A/S Ennova skal gera trivnaðarkanningina í føroyska sjúkrahúsverkinum.

Boðið hjá Ennova er 195.000 krónur uttan meirvirðisgjald.

VRG, Jón Joensen, spyr.fo og Lóður komu eisini við tilboðum.

Trivnaðarkanningin skal byrja 18.september.

Endamálið við henni er at fáa at vita, hvussu tey 1.300 starvsfólkini á teimum trimum sjúkrahúsunum trívast, bæði sálarliga og í arbeiðinum sum heild.

Harafturat skal hon nýtast sum eitt strategiskt amboð til at varðveita og styrkja Sjúkrahúsverkið sum eitt dragandi og virkið arbeiðspláss, har trivnaður er í hásæti. 

Endamálið er eisini at síggja, hvussu væl virðini hjá Sjúkrahúsverkinum eru verksett, sigur Sjúkrahúsverkið í útboðstilfarinum. 

Í Trivnaðarkanningini vera 30 til 40 spurningar.

Úrslitini skulu vera tøk í oktober ella november.