- Tíðindi, mentan og ítróttur
Flogvøllur á Glyvursnesi fyri býráðið í dag
Flogvøllur á Glyvursnesi fyri býráðið í dag
Heðin Mortensen, borgarstjóri, sum eigur uppskotið, mælir til at seta 500.000 kr. av til kanningar
Ætlanin at gera flogvøll á Glyvursnesi livir enn. (Savnsmynd)
30.05.2024 - 08:12
Ætlanin at gera flogvøll á Glyvursnesi livir enn.
Tórshavnar býráð skal viðgera hana á fundi í dag.
Heðin Mortensen, borgarstjóri, hevur uppskot um flogvøll á Glyvursnesi.
Hann sigur, at útvegast skal tilfar, sum lýsir, hvussu flogvøllur, sum er 2.700 til 3.000 metrar langur, og sum lýkur krøv um breidd hjá altjóða flúgving, best kann staðsetast á Glyvursnesi.
Heðin Mortensen, borgarstjóri, eigur uppskotið um altjóða flogvøll á Glyvursnesi. (Mynd: Bjarni Árting Rubeksen)
Haraftrat skal gerast tilfar um, hvussu flogvøllurin fer at síggja út viðvíkjandi hædd og øðrum í lendinum og sum kann geva ábendingar um, hvussu lendisarbeiðið kann skipast.
Heðin Mortensen skjýtur upp at lata 500.000 kr. til hesar kanningar.
Ein meiriluti í fíggjarnevndini tekur undir við málinum.
Umboðini hjá minnilutanum í fíggjarnevndini taka støðu á býráðsfundinum.
Er kopiera
Nýggjastu sendingar í ÚV
Nýggjastu sendingar í SV
