Semingsstovnurin boðsendur í sáttmálatrætu millum FSN og Fíggjarmálaráðið

Skipara- og navigatørfelagið sigur, at Fíggjarmálaráðið vil tvinga felagið í seming millum Maskinmeistarafelagið og Fíggjarmálaráðið

Annfinnur Garðalíð, formaður í Skipara- og navigatørfelagnum.

Mynd: Bjarni Árting Rubeksen

Johnsigurd Johannesen

03.06.2024 - 14:24

Semingsstovnurin er nú eisini boðsendur í sáttmálatrætuni millum Føroya Skipara- og navigatørfelagið, FSN, og Fíggjarmálaráðið.

Skipara- og navigatørfelagið sigur, at Fíggjarmálaráðið hevur slitið samráðingarnar og vil tvinga FSN í semingsroyndina millum Maskinmeistarafelagið og Fíggjarmálaráðið.

Sáttmálarnir millum Skipara- og navigatørfelagið og Fíggjarmálaráðið, sum samráðst hevur verið um, fevna um Strandferðsluna, havrannsóknarskipið Jákup Sverra og vaktarskipini hjá Vørn.

FSN sigur, at 8-10 samráðingarfundir hava verið síðani 20. oktober í fjør, tá sáttmálakrøvini vórðu handað.

Annfinnur Garðalíð, formaður í Skipara- og navigatørfelagnum, sigur, at felagið kann ikki góðtaka at verða tvingað í seming saman við Maskinmeistarafelagnum, tí FSN og Maskinmeistarafelagið hava hvør sín sáttmála við Fíggjarmálaráðið.

Hoyr samrøðu, sum Sigrún H. Brend gjørdi við Annfinn Garðalíð í útvarpstíðindunum:

03062024_Annfnnur