Mark Rutte kunngjørdur sum nýggjur Nato-aðalskrivari fyrsta dagin

Seinasta forðingin, áðrenn Nato fær nýggjan aðalskrivara fyri Jens Stoltenberg, verður loyst í dag.

Tvær keldur vátta fyri norska TV2, at Nato-sendiharrar eru kunnaðir um, at Klaus Ioannis, forseti í Rumenia, seinni í dag fer at taka seg aftur sum valevni fyri starvið sum aðalskrivari í Nato.

Rumenia fer samstundis at stuðla hollendska forsætisráðharranum Mark Rutte sum leiðara fyri NATO.

Nato-sendiharrar fara sum skjótast at skipa fyri óformligum fundi, har kjakast skal um at seta Rutte í starvið, og síðani fyri formligum fundi, har avgjørt verður at seta hann í starvið.

Tað er framvegis ógreitt, um Mark Rutte verður settur í starv í dag ella fyrst í næstu viku.

Ríkis- og stjórnarleiðarar í Nato hittast á fundi í Washington býi 9. juli at hátíðarhalda, at norðuratlantiska verjusamgongan fyllir 75 ár. 

Tá fer Jens Stoltenberg at takka fyri seg, og móttøka verður fyri Rutte.