- Tíðindi, mentan og ítróttur
Fleiri miðlar í ES-londum sleppa ikki at virka í Russlandi
Fleiri miðlar í ES-londum sleppa ikki at virka í Russlandi
Teirra millum eru svenska kringvarpið og donsku dagbløðini Berlingske og Information
Svenska kringvarpið er millum teir 81 miðlarnar í ES-londum, sum russiskir myndugleikar hevur sett forboð fyri at virka í Russlandi. (Savnsmynd)
26.06.2024 - 08:57
Russiska uttanríkisráðið hevur bannað fleiri miðlum úr ES-londum at virka í Russlandi, sum aftursvar til líknandi ES-forboð móti fýra russiskum miðlum.
Bannið rakar m.a. týska blaðið Der Spiegel, spanska El Mundo og franska Le Monde, umframt italska kringvarpið Rai.
Svenska kringvarpið SVT er eisini komin á listan nú, eins og finskir miðlar og donsku dagbløðini Berlingske og Information.
81 miðlar
Tilsamans 81 fjølmiðlar eru settir á svartalista, skrivar russiska uttanríkisráðið á heimasíðu síni.
ES setti í mai mánaði útvarpsrásini Voice of Europe, tíðindastovuni Ria Novosti og bløðunum Izvestia og Rassijskaja Gazeta bann fyri at virka í ES.
Tiltakið er partur av 14. pakkanum við ES-tiltøkum móti Russlandi, eftir russisku innrásina í Ukraina í februar 2022.
Undan hesum høvdu Russia Today og Sputnik longu fingið bann fyri at virka í Evropa.
Er kopiera
Nýggjastu sendingar í ÚV
Nýggjastu sendingar í SV
