Labour hevur vunnið stórsigur

Flokkurin fekk 410 sessir á parlamentsvalinum í gjár, og kann skipa stjórn einsamallur

Ein sigursælur Keir Starmer í gjárkvøldið, tá tað var greitt, at Labour hevði vunnið stórsigur á parlamentsvalinum í gár.

Mynd: Reuters/Ritzau Scanpix

Sigrún H. Brend

05.07.2024 - 07:56

Labour-flokkurin hevur vunnið bretska parlamentsvalið, og Keir Starmer verður væntandi nýggjur forsætisráðharri.

Uppteljingin er ikki liðug, men fyribils úrslitið vísir, nú 11 valdømi eru eftir at telja, at Labour-flokkurin hevur fingið 410 sessir, 210 sessir fleiri enn á seinasta vali.

Sostatt kann flokkurin skipa stjórn einsamallur.

Konservativi flokkurin hevur fingið 116 sessir, afturgongdin er 247 sessir.

Liberalu demokratarnir hava fingið 70 sessir, 62 fleiri enn á seinasta vali

Skotski loysingarflokkurin, SNP, hevur fingið sessir. Á seinasta parlamentsvali fekk hann 38 sessir.

Tilsamans 650 tingsessir eru í bretska parlamentinum.

- Broytingarnar byrja nú, segði Keir Starmer, formaður í Labour, seint í gjárkvøldið:

05072024_Keir_Starmer

rishi Sunak

Rishi Sunak, forsætisráðharri, ásannaði ósigurin. (Mynd: Reuters/Ritzau Scanpix)

Formaðurin í Konservativa flokkinum, Rishi Sunak, varðveitir sín sess í parlamentinum, men flokkurin fhevði stóra afturgongd á valinum í gjár.

- Bretska fólkið hevur givið ein hugvekjandi dóm á valinum, segði Rishi Sunak í røðu síni í gjárkvøldið, tá tað var greitt, at tey konservativu hava tapt:

05072024_Sunak