Russlandsferð hjá Orban hevur fingið ilt í ES

Ungarski forsætisráðharrin Viktor Orban er komin til Moskva at hitta Vladimir Putin, forseta. 

Og tað er ES misnøgt við.

Ferðin er serliga viðkvom, tí Ungarn í hesi vikuni tók við formansskapinum í ES-samveldinum.

Onga heimild

- Orban hevur ikki heimild til at hava samband við Russland vegna ES, skrivaði ein óður Charles Michel, forseti í ES, í gjárkvøldið á X, tá ið tíðindini um ferðina bórust. 

Ferðin er bert fáar dagar undan stóra Nato-toppfundinum í Washington, og fær eisini hvassar atfinningar frá øðrum leiðarum í ES.

Viktor Orban verjir seg og sigur, at hann fær ikki frið í Ukraina við at sita í einum lenistóli í Brússel.

Fyrr í vikuni var ungarski forsetin í Ukraina, har hann hitti Zelenskyj, forseta. Orban mælti Ukraina til vápnahvíld, sum kann fáa gongd á friðarsamráðingar við Russland.

Zelenskyj ønti honum ikki aftur.