Viðmerkjari um franska valið: Veljarin broytti atferð millum valumførini

Vinstrasamgongan er tann størsta í Frankaríki eftir seinna valumfar í gjár, Macron og miðflokkasamgongan eru nummar tvey, og Tjóðskaparligi savningarflokkurin fekk triðflestar atkvøður.

Tað boðar franska innlendismálaráðið frá.

Úrslitið er sostatt ikki sum væntað. Tí veljarakanningarnar og fyrra valumfar spáddu sigur til høgraflokkarnar. 

Orsøkin til óvæntaða úrslitið er, at veljaraatferðin er broytt millum bæði valumførini, sigur Róland í Skorini, sum er serkønur í fronskum viðurskiftum:

Nú franska tjóðartingsvalið er av, er greitt, at vinstrasamgongan "Nýggja fólkafylkingin" fær 182 sessir.

Samgongan hjá Macron, forseta, "Ensemble", fær 169 sessir

og "Tjóðskaparligi savningarflokkurin" og sameindu hjá teimum fáa 143 sessir.