Amerikanskur kavbátur leggur at á Oyrareingjum

Í dag kemur amerikanski kavbáturin USS Albany til Føroya. 

Talan er um kjarnorkuriknan kavbát, sum var í Nólsoyarfirði fyrr í ár. 

Lagt verður at bryggju á Oyrareingjum nakað eftir middag í dag. USS Albany hevur diplomatiskt loyvi at koma í føroyskt sjóumveldi og í føroyska havn. 

Serligar treytir

Í loyvinum hevur Uttanríkis- og Vinnumálaráðið sett serligar treytir, tí talan er um eitt kjarnorkurikið far. 

Eisini eru ávís tilbúgvingaratlit tikin.

Tjaldrið fylgir kavbátinum, meðan hann siglir í føroyskum sjóumveldi og liggur á Kollafirði.

USS Albany fer avstað aftur mikudagin.