Eykajáttan til ferjuleguna á Syðradali

Løgtingið skal tó fyrst koma við eini eykajáttan upp á nakrar milliónir, millum annað fyri at gera broytingar á ferjuleguni á Syðradali og flyta rampuna í ferjuleguni í Skopun til Syðradals.

Erla Kongsdóttir er farin aftur í sigling í dag, eftir at hava ligið í 11 mánaðir, og ymsar umvælingar eru gjørdar.

Nýggjasta skipið hjá Strandferðsluni skal røkja Hestleiðina.

Erla Kongsdóttir, Erla Kongsdóttir á Gomlurætt

Erla Kongsdóttir er nú farin í sigling á Hestleiðini. Her sæst hon á Gomlurætt. 

 

Tað ger, at ymsar broytingar eisini verða gjørdar á øðrum farleiðum. 

Ternan, sum hevur røkt Hestleiðina seinastu mánaðirnar, verður fyribils løgd, men í august skal hon avloysa á Kalsoyarleiðini, tá ið Sam skal á beding, og í september fer hon at avloysa á Nólsoyarleiðini, tá ið Teistin fer á beding.

Niels Juel Arge, stjóri í Strandferðsluni, ætlar at gera broytingar í leiðunum, men fyrst skal løgtingið koma við eini eykajáttan.

Ternan, Ternan á Gomlurætt

Ternan skal í framtíðini røkja Nólsoyarleiðina. 
 

Talan hevur verið um at selja Teistan, men tað er Niels Juel Arge harðliga ímóti.

Hann vil nýta Teistan á Kalsoyarleiðini, Ternuna á Nólsoyarleiðina, og Sam skal nýtast til eykaskip.