Kjarnorkuserfrøðingar stúra, nú eldur er í kjarnorkuverkinum Zaporizjzja

Eldur er í einum kølitorni í kjarnorkuverkinum, Zaporizjzja, sum liggur har suðuri í Ukraina.

Kjarnorkuserfrøðingar stúra, men forsetin í Ukraina sigur tó, at geislavirknistølini framvegis liggja um miðal.

Tað skriva fleiri altjóða miðlar, millum annað Reuters og Politico.

Sambært sjónbandi, sum Volodymyr Zelenskyj, forseti í Ukraina, hevur lagt út, sæst eldur í eina kølingstorninum í kjarnorkuverkinum Zaporizjzja.

Tað skrivar Reuters sambært norska kringvarpinum.

Kyknaði um 20-tíðina um gjárkvøldið

Eldurin kyknaði um 20-tíðina í gjárkvøldið. IAEA, altjóða orkuráðið, metir, at eitt dronuálop kann vera orsøkin til eldin.

Hvørki Russland ella Ukraina siga seg hava skyld í, at eldurin kyknaði. Tvørturímóti leggja londini bæði hvønn annan undir at hava sett eld á. 

Volodymyr Zelenskyj sigur, at russiskar herdeildir settu eld á økið við kølitornið, sum liggur í øki, sum Russland hevur hersett.

Fólk í økinum eru biðin um at vera rólig, skrivar Reuters sambært norska kringvarpinum.