Fýra nótaskip ætla sær í norskan sjógv

Nú hava fýra skip biðið um og fingið tilsøgn um at fara í norskan sjógv eftir makreli.

Fagraberg er longu komin í norskan sjógv.

Hini skipini eru Gøtunes, Tummas T og Arctic Voyager, upplýsir Vørn.

Føroyska makrelveiðan er nógv minni higartil í ár enn undanfarin ár.

Góð 16.000 tons

Vørn upplýsir, at til 22. august vóru fiskað 16.265 tons.

22. august í fjør vóru fiskað 142.300 tons. Og í 2022 vóru tonsini 86.000.

Í 2021 vóru fiskað 58.300 tons.

Føroyingar fiska makrel í føroyskum sjógvi og í altjóða sjógvi og nú eisini í norskum sjógvi.