Oasis endurstovnaður

Oasis- og tónleikafjepparar um allan heimin hava hildið ondini í spenningi seinasta samdøgrið, tí tað hevur gingið sum rótasúpan, at legendariski enski rokkbólkurin úr Manchester fór at blíva endurstovnaður.

Nú er tað so staðfest. 

Oasis er endurstovnaður - í eina løtu í øllum førum - og fer at fer at spæla konsertir í 2025. Hetta skrivar bólkurin á heimasíðusíðu sínari. 

 

 

 

 

View this post on Instagram

 

 

 

 

 

 

 

 

 

 

 

A post shared by Oasis (@oasis)

Oasis fer at spæla 10 stórar stadionkonsertir á Wembley í London, umframt at teir eisini fara at spæla fleiri konsertir á Heaton Park í heimbýnum Manchester. Men ætlanin er eisini at vitja í Dublin, Edinburg og Cardiff. 

Sambært yvirlitinum á heimasíðuni hjá Oasis, so verða konsertirnar hesar.

• Cardiff Principality Stadium - 4. / 5. juli
• Manchester Heaton Park - 11. / 12. / 19. / 20. juli
• London Wembley Stadium - 25. / 26. juli & 2. / 3. August
• Edinburgh Scottish Gas Murrayfield Stadium - 8. / 9. august
• Dublin Croke Park - 16. / 17. August

Arvafíggindar

Oasis-beiggjarnir, Liam og Noel Gallagher, hava annars verið arvafíggingdar og spilt hvønn annan út í samrøðum og á sosialum miðlum bæði áðrenn og eftir at bólkurin fór í upploysn í 2009. 

Tí hevur tað kenst lítið sannlíkt, at Oasis, ið hevur sett risahitt sum "Don't Look Back in Anger" og 'Wonderwall' í verðina, nakrantíð fór at blíva endurstovnaður. 

Men okkurt bendir á, at brøðurnir er vorðnir vaksnir og hava jarða stríðsøksirnar. Hví? Ja, tað verður tað spekulerað nógv um í hesum tímum. Eru tað pengarnir? Er tað umtalan?

Sjálvur skrivar bólkurin á heimasíðuni: 

"The guns have fallen silent.
The stars have aligned.
The great wait is over.
Come see.
It will not be televised."

Uttan mun til motivið, so kunnu Oasis-fjepparar fegnast um møguleikan at uppliva legendariska rokkbólkin. 

Um tú hevur hug at kava niður í tónleikin hjá Oasis, so er Spotify eitt gott mið.