Vánaligasta kynsbýtið er í nevndum og ráðum undir Fiskimálaráðnum

Kynsbýtið í almennum nevndum og ráðum var vánaligast í Fiskivinnu- og Samferðslumálaráðnum í fjør.

Har vóru bara seks kvinnur í 23 sessum. Tað eru 26 prosent.

Í ársfrágreiðingini hjá Javnstøðunevndini fyri 2023 er yvirlit um kynsbýtið í teimum 139 nevndunum og ráðunum hjá teimum níggju aðalráðunum.

Javnasta býtið er í Almanna- og Mentamálaráðnum.

Har eru 134 sessir. Kvinnurnar hava 62 teirra, ella 46 prosent.

Heilsumálaráðið og Barna- og Útbúgvingarmálaráðið eru beint undir við ávikavist 45 og 44 prosentum.

Talan er um 714 nevndarsessir.

Kvinnur eru í 280 teirra. Tað er 39,2 prosent.

Fimm aðalráð eru undir tí prosenttalinum.