- Tíðindi, mentan og ítróttur
Svimjisambandið vertur fyri norðurlendskari ráðstevnu
Svimjisambandið vertur fyri norðurlendskari ráðstevnu
Svimjifrálæra verður á breddanum hin 18. til 20. oktober
![](https://kvf.fo/sites/default/files/styles/grein-ovasta-mynd/public/mynd_svimjing.jpg?itok=peZrTUfe)
07.09.2024 - 18:31
Í døgunum 18. til 20. oktobur verður Svimjisambandið vertur fyri norðurlendskari ráðstevnu um svimjifrálæru.
Stevnan, sum er annaðhvørt ár og skiftir millum norðurlondini, verður í Norðurlandahúsinum og Svimjihøllini í Gundadali.
Ráðstevnan vendir sær til svimjivenjarar og -lærarar í Føroyum og uttanlands, sum vilja dagføra seg um, hvussu best er at læra fólk at svimja.
Síðst, ráðstevnan var í Føroyum, var í 2012, tá ið eini 170 fólk vóru við til tríggjar áhugaverdar dagar í somu hølum sum hesaferð.
Svimjisambandið ivast tó í, um so nógv fólk fara at koma hesaferð, eftir at stevnurnar í bæði 2020 og 2022 vóru avlýstar vegna koronu.
Nýggjastu sendingar í ÚV
Nýggjastu sendingar í SV