![](https://kvf.fo/sites/default/files/styles/myndasavn-width/public/uffe_dreesen_tv2-680x680.jpg?itok=hvOlvPwD)
- Tíðindi, mentan og ítróttur
Ukraina skotið dronur inn í Moskva
![](https://kvf.fo/sites/default/files/styles/grein-ovasta-mynd/public/dronualop_a_moskva.jpg?itok=oYyFyugy)
Ukraina skeyt í nátt 144 dronur inn russiska høvuðsstaðarøkið.
Russland skeyt flestu dronurnar niður, men ein drona datt niður nærindis einum íbúðarbygningi, og eldur kom í bygningin. Ein kvinna læt lív, skrivar Reuters.
Uffe Dreesen.
Ukraina hevur ikki viðmerkt álopið enn, og óvist er, hvat endamálið var við álopinum, sigur tíðindamaðurin hjá TV2 í Ukraina, Uffe Dreesen:
Ukrainska álopið hevur ávirkað flogferðsluna í Russlandi í dag, og hildið verður, at Ukraina tilvitað á hendan hátt vil ávirka gerandisdagin hjá russum og gera teir varugar við kríggið, sum er millum londini.
Álopið í nátt er ógvusligasta álop á russiska høvuðsstaðin, síðan kríggið brast á.
Og russiska verjumálaráðið kunngjørdi fyrrapartin, at Russland hevur hersett fýra ukrainskar býir, skrivar AFP.
Býirnir eru allir í Donetsk-landspartinum.