- Tíðindi, mentan og ítróttur
ECB lækkar rentuna
ECB lækkar rentuna
Hetta er fyrsta rentulækking síðani juni, sum var fyrsta lækking í fimm ár
![](https://kvf.fo/sites/default/files/styles/grein-ovasta-mynd/public/lagarde.jpg?itok=TtjCh5c1)
Forsetin í ECB, Christine Lagarde, tá hon kunngjørdi rentulækkingina í dag.
Mynd: Reuters/Ritzau Scanpix
12.09.2024 - 14:43
Evropiski miðbankin ECB lækkar rentuna niður í 3,5 prosent.
Hetta er fyrsta rentulækking síðani juni, sum var fyrsta lækking í fimm ár.
ECB lækkaði innskotsrentuna niður í 3,75 prosent í juni, og fleiri serfrøðingar væntaðu eina lækking aftrat í september.
Lækkingin, 0,25 prosentstig, samsvarar við tað, sum var væntað, og hon kemur eftir, at inflatiónin í evruøkinum í august var tann lægsta í trý ár.
12 mánaða inflatiónin var í august 2,2 prosent, meðan hon mánaðin fyri var 2,6 prosent, skrivar TV2.
Nýggjastu sendingar í ÚV
Nýggjastu sendingar í SV