Ikki fleiri hólmgongur millum Trump og Harris

Politiska hólmgongan millum Donald Trump og Kamalu Harris fyrr í vikuni er einasta hólmgongan teirra millum undan forsetavalinum, og eftir øllum at døma eisini tann seinasta.

Trump sigur seg ikki vera til reiðar til eina hólmgongu aftrat við Harris.

Tað skrivar hann í uppslagi á sosiala miðlinum Truth Social. 

Fráboðanin hjá Donald Trump kemur eftir fyrstu beinleiðis sjónvarpaðu hólmgonguna við Kamala Harris. Í juni var hólmgonga millum Trump og Joe Biden, sum tá var demokratiska forsetavalevnið.

- Tað verður einki kjak aftrat, skrivar Tump og heldur fast við, at hann vann kjakið við Harris.

Eftir hólmgonguna millum Trump og Harris hevur greiningarstovnurin, Ipsos, kannað eftir hjá amerikonsku veljarunum.

Úrslitið vísir, at Harris fær 47 prosent av atkvøðunum og Trump 42 prosent.

Amerikanska forsetavalið verður 5. november.