Bretland vil forbjóða fraslýsingum

Í 2021 royndi táverandi forsætisráðharrin, Boris Johnson, til fánýtis at fáa sett forboð fyri lýsingum fyri frasi ella “junk food” áðrenn klokkan 21.

Tvey ár seinni lovaði konservativa stjórnin hjá Rishi Sunak at seta forboðið í verk, men heldur ikki tá bar tað á mál.

Nú roynir so bretski fólkaheilsuráðharrin, Andrew Gwynne úr Labour á triðja sinni at fáa forboðið ígjøgnum.

Kemur tað ígjøgnum hesa ferð, skal tað ætlandi koma í gildi um eitt ár, tann 1. oktobur næsta ár.