Sølan av nýggjum bilum er nógv minkað

Frá januar til september í ár eru 1.244 nýggir bilar seldir í Føroyum. 

Tað vísa nýggjastu hagtølini hjá Akstovuni.

Sama tíðarskeið í fjør vóru 1.659 akfør seld. Tað er ein minking upp á 415 akfør, og svarar til eina minking upp á 25 prosent.

Talið av brúktum bilum, sum eru innfluttir, er tó vaksandi. Higartil í ár eru 305 brúkt akfør flutt inn. 

Tað eru 110 fleiri enn somu tíð í fjør, tá ið 195 akfør vóru flutt inn.

Tað svarar til ein vøkstur upp á 56 prosent.