60 læknar í útbúgvingarstarvi á Landssjúkrahúsinum

60 læknar eru í útbúgvingarstørvum á Landssjúkrahúsinum.

14 læknar læra til kommunulækna.

23 KBU-læknar eru í útbúgvingarskipanini og starvi. 

KBU stendur fyri klinisk basisuddannelse, sum er fyrsta liðið í læknaligu víðari útbúgvingini. 

Tað er eitt krav, at allir læknar skulu taka KBU eftir loknan læknalestur.

17 læknar eru í introstarvi í 11 sergreinum.

Hetta er starv, har fólk fáa sær royndir og innlit í sergreinar, áðrenn tey velja sær sergrein.

Og Landssjúkrahúsið hevur seks læknar, sum taka partar av síni serlæknaútbúgving her og hitt á donskum sjúkrahúsi. 

100 føroyingar lesa til lækna.