Ætlaðu at smugla 1,3 milliónir kr. í reiðum peningi til Danmarkar

Fýra menn eru handtiknir fyri at hava roynt at smugla 1,3 milliónir krónur í reiðum peningi úr Føroyum til Danmarkar.

Tað skrivar Frihedsbrevet.fo 

Harumframt høvdu menninir 18 kilo av hassji og 700 gramm av amfetamini í varðveitslu, sum ætlandi skuldi seljast í Føroyum. 

Tað var tollvaldið, sum fann peningin í bilinum hjá monnunum, tá teir vóru á veg til Danmarkar við Norrønu í gjárkvøldið. 

Tá vóru teir fýra eisini handtiknir - teir nokta seg allir sekar, skrivar Frihedssbrevet.fo.