Máar undan trúvirðinum, at aðalráð skúgvar niðurstøðu til viks

Tað máaar undan trúvirðinum í okkara fólkaræðisligu skipanum, at Umhvørvismálaráðið skúgvar niðurstøðuna hjá einari samdari landsstýrismálanevnd til viks.

Tað halda Beinta Løwe og Árni Gregersen, sum viðmerktu politisktu støðuna í Breddanum fyrrapartin.

Beinta Løwe sigur, at nú hevur málið flutt seg so nógv, at tað snýr ikki bara um ein landsstýrissess, men eisini um nakrar skipanir, sum eru trygdin hjá borgarunum í einum fólkaræði.

Árni Gregersen sigur, at hetta er stovnar, sum skulu tryggja, at fólkaræðið virkar. Tá løgtingsumsitingin og landsgrannskoðanin eru saman um at leggja nakað fyri eina tingnevnd, so er torført hjá politikarum at koma til aðra niðurstøða enn hana, sum fakfólkini mæla til. 

Landsstýrismálanevndin hevði fund fyrrapartin, har kæran av Ingilín D. Strøm var til viðgerðar. 

Fundurin var niðurlagdur, og verður tikin uppaftur seinni í dag.