Mikkjal stýrdi AIK út í Evropa

Við stórsigri á Halmstad í seinasta umfari hevur Mikkjal Thomassen stýrt AIK til bronsuna á Allsvenskan og Conference League-spæl næsta ár.

Fyrrverandi KÍ-venjarin hevur vent gongdini hjá høvuðsstaðarfelagnum í stórum stíli. Tá hann kom til úr Fredrikstad í juli, lá AIK undir miðjuni í bestu svensku deildini.

Tað var 1-1 í dag, tá Halmstad fekk reytt kort fyri steðgin, og síðan gjørdi AIK bart. Eftir steðgin skoraðu teir svørtu fýra ferðir og vunnu 5-1.

48-ára gamli føroyingurin er tvær ferðir kosin besti venjarin fyri ein mánaða í Svøríki.