Málningur av kvinnum avdúkaður í fólkatinginum

Málningurin av 30 kvinnum var avdúkaður í fólkatinginum í gjár.

Sambært innstilling hjá listanevndini hjá fólkatinginum gjørdi formansskapurin av í 2021 at biðja Mie Mørkeberg gera málningin.

Marita Petersen, sála, sum var løgmaður og løgtingsforkvinna í Føroyum, er við á málninginum.

Hon er fyrsta kvinnan, sum gjørdist stjórnarleiðari í danska ríkinum, sigur fólkatingið.

Ruth Heilmann umboðar Grønland.

Í fólkatinginum var longu ein málningur av 30 monnum, sum fyrireikaðu broytingar í grundlógina í 1915.